შოთა რუსთაველის სახელმწიფო უნივერსიტეტში ბაზისბანკის მხარდაჭერით ჩატარდა სამეცნიერო კონფერენცია, რომელშიც ქართველ მეცნიერებთან ერთად, მონაწილეობა „ნეოფიტ-რილსკის“ სახელობის უნივერსიტეტის წარმომადგენლებმაც მიიღეს. აგრეთვე, ბაზისბანკის ფინანსური მხარდაჭერით, კრებულის სახით გამოიცა კონფერენციის მასალები.
აღსანიშნავია, რომ მსგავსმა შეხვედრებმა სისტემატიური ხასიათი მიიღო, ეს უკვე ბაზისბანკის მიერ დაფინანსებული მეორე საერთაშორისო კონფერენცია გახლავთ. ბაზისბანკი აქტიურად თანამშრომლობს სხვადასხვა პარტნიორ უნივერსიტეტებთან, ვინაიდან მისი სოციალური პასუხისმგებლობის პრიორიტეტს განათლების მხარდაჭერა წარმოადგენს.
