თბილისობის დღესასწაულს დაემთხვა ქართული ჩაის II საერთაშორისო ფესტივალი. 25-26 ოქტომბერს ბამბის რიგში სხვადასხვა სახის, მათ შორის შავი, მწვანე და მცენარეული სამკურნალო ჩაის პროდუქციის პრეზენტაცია-დეგუსტაციები მოეწყო. ჩაის ფესტივალი, რომელიც მეჩაიეობისა და ადგილობრივი მწარმოებლების ხელშეწყობას და წახალისებას ემსახურება, სს “ბაზისბანკის” მხარდაჭრით შარშან დაარსდა. წელს იგი მეორედ გაიმართა და მასში მონაწილეობა მიიღეს კაკასიის რეგიონისა და თურქეთის ჩაის მწარმოებლებმა.
