19 მაისს, კიევში, ევროპის რეკონსტრუქციისა და განვითარების ბანკის (EBRD) ყოველწლიურ შეკრებაზე, ხელი მოეწერა ხელშეკრულებას EBRD–სა და ბაზისბანკს შორის, რომლის თანახმადაც ევროპის რეკონსტრუქციისა და განვითარების ბანკი ბაზისბანკის აქციათა 15-პროცენტიანი პაკეტის მფლობელი გახდა. EBRD –ის ბიზნესჯგუფის დირექტორის კურტ გეიგერის განცხადებით, ეს იქნება ერთადერთი ინვესტიცია, რომელსაც ევროპის რეკონსტრუქციისა და განვითარების ბანკი ქართულ ბანკებში სტრატეგიული პარტნიორის გარეშე განახორციელებს.